Вучиќ: Ќе бараме итна седница на Советот за безбедност поради состојбата во Косово

Српскиот претседател Александар Вучуќ изјави дека денес припадниците на полицијата на Курти во синхронизирани акции упаднале на повеќе места во Метохија.

Тоа се случило околу 11 часот, кога упаднале во повеќе привремени власти во Приштина, Пеќ, Гораждевац и Исток, Осојан во Здравствениот дом.

„Нападнати се сите српски енклави во Метохија.Одлуката за укинување на динарот е само формална одлука на таканаречената Централна банка на Косово, а во суштина тоа е одлука на Аљбин Курти да се закани со прогонот на Србите со најсилниот удар досега, протерувањето на Србите од нивните со векови стари огништа“ -- рече Вучиќ

„Она што го прави Приштина е намерно подложување на Србите на неподносливи услови за живот“– додаде Вучиќ.

Како што рече, Србија ќе поднесе барање за итна седница на Обединетите нации за Косово.

Во понеделник сите претставници на земјите-членки на ЕУ и институциите на ЕУ и претседателите и премиерите на земјите-членки на Советот за безбедност на ОН, вклучително и Русија и Кина, ќе добијат писмо што тој ќе го потпише. Во него, вели, ќе укаже на акти на кршење на меѓународните правни норми и на она што Србија го бара од меѓународната заедница.

„Во согласност со Повелбата и деловникот на ОН, Србија во понеделник ќе поднесе барање за одржување итна седница на Советот за безбедност на ОН во врска со ескалацијата на потезите на Приштина. Се надевам дека мнозинството ќе гласа за тоа и дека седницата ќе се одржи. Нема да ги напуштиме меѓународните правни норми“ – рече тој.