Врховниот суд на САД ја потврди забраната за ТикТок
Врховниот суд на САД денеска го потврди законот со кој се забранува кинеската компанија ТикТок, а забраната треба да стапи на сила веќе в недела.
Според законот, кинеската компанија ByteDance треба да ги продаде американските операции на својата популарна социјална мрежа ТикТок до 19 јануари или во спротивно ќе биде забранета во САД.
Според пресудата, законот, кој минатата година беше усвоен од големо мнозинство претставници во Конгресот, и републиканци и демократи, не го прекршува Првиот амандман на Уставот на САД, што ја штити слободата на говорот.
Со одлуката, е отфрлена жалбата на сопствениците на популарната апликација кои тврдеа дека забраната го прекршила Првиот амандман.
Судот дал непотпишано мислење, а немало евидентирано несогласување, пренесува CNN.
Одлуката уследи по предупредувањето од администрацијата на Бајден дека TикТок претставува „сериозна“ закана за националната безбедност поради нејзините врски со Кина.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
