Во океан пловеле 3,2 тони кокаин
Властите на Нов Зеланд денеска соопштија дека заплениле 3,2 тони кокаин, чија вредност е 279,5 милиони евра, кои пловеле во Пацификот.
Се претпоставува дека крајната дестинација на дрогата била Австралија.
На сликата објавена од полицијата на Нов Зеланд се гледаат пакети со дрога кои пливаат во океанот прикачени на сплавови пред заплената, пренесува „Ројтерс“.
„Ова е една од најголемите заплени на дрога во земјата“, рече комесарот на полицијата на Нов Зеланд, Ендрју Костер.
Новозеландскиот царински контролор Бил Пери ја процени вредноста на запленетиот кокаин на 279,5 милиони евра.
Полицијата досега не уапсила никого.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
