Во Кавадарци, Неготино и Демир Капија над 40 проценти излезеност до 15 часот
Во Кавадарци, Неготино и Демир Капија има над 40 проценти излезеност до 15 часот, на денешните претседателски избори. За ова информираа претседателките на општинските изборни комисии Кавадарци и Неготино, Емилија Петровска и Елизабета Камчева, како и претседателот на демиркаписката ОИК, Благој Јовановски.
Во општина Кавадарци гласале 42.71 отсто од лицата со право на глас, во неготинска општина гласале 7.071 лице или 44.64 проценти од избирачите, а во Демир Капија 46.93 отсто од гласачите.
Во избирачкиот список за општина Кавадарци се евидентирани вкупно 31.868 гласачи, во списокот за неготинска општина се запишани вкупно 15.840 избирачи со право на глас, а во списокот за општина Демир Капија, има 3.216 избирачи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
