ВМРО-ДПМНЕ: Дали СДСМ учествува во планот за дестабилизација на ДУИ?

Социјалдемократскиот сојуз да не бега од одговори, содејствува ли со ДУИ во планот за дестабилизација, прашува владејачката ВМРО-ДПМНЕ утрово.

„СДС не може да остане нем посматрач, мора да кажат дали и тие чекаа на ДУИ за да ја дестабилизира државата? Па сега и едните и другите откако претседателот Мицкоски им го осуети планот се прегрупираат и се вадат дека само ќе протестираат.

И СДС и ДУИ имаат само една цел, нивните корумпирани функционери да не одговараат за криминалот и грабежот на државата.

7 години СДС и ДУИ ја крадеа државата. Резултатот е ограбена држава, и за тоа одговорност ќе има. Никакви црни сценарија нема да ги спасат“, се вели во соопштението.