Влегле во вода, а потоа започнал ужасот: Над 100 лица завршија во болница од популарна плажа

Бројот на луѓе кои побарале медицинска помош во португалскиот регион Леирија поради симптоми поврзани со загадување на водата на плажата Назаре се зголеми на 116, објави Регионалниот клинички болнички центар Леирија.

До 14 часот, 72 деца и млади луѓе, како и 44 возрасни, биле примени во болница на лекување, а од вкупниот број пациенти, 70 се жени и 46 се мажи, се наведува во соопштението.

- Поголемиот дел од случаите, 62 проценти, се однесуваат на деца и адолесценти - наведува локалната болница во соопштението, според Радио-телевизија Португалија.

Назаре, Португалија

Плажата Назаре беше привремено затворена во петокот откако техничка грешка предизвика истекување на канализација и непријатен мирис. Забраната за пливање беше укината во саботата навечер, по резултатите од тестот за квалитет на морската вода.

Општината Назаре соопшти дека по инспекцијата спроведена во саботата попладне, морската вода била „бистра и транспарентна, без видлива органска материја“.

Според соопштението од општината, локалните здравствени службеници заклучиле дека, врз основа на резултатите од тестовите за вода и намалувањето на бројот на пациенти со гастроинтестинални симптоми, повеќе нема причина за забрана за пливање.

Регионалниот клинички болнички центар Леирија претходно наведе дека симптомите на пациентите главно се однесуваат на повраќање, гадење и дијареја.