ВИДЕО: Објавена снимка од астероидот кој помина покрај Земјата

Астероид, под назив „2023 БУ“ доцна синоќа мина близу Земјата. Откриен е пред само неколку дена, а прелета над Јужна Америка, на далечина од 36.000 километри при неговата најблиска точка во однос на нашата планета.

За споредба, на таа оддалеченост се наоѓаат и некои геостационарни и телекомуникациски сателити. Сепак, треба да се забележи дека повеќето сателити орбитираат околу Земјата на височина меѓу неколку стотици и 2.000 километри

Астероидот е откриен на 21 јануари од страна на астрономот- аматер Генадиј Борисов и неговата опсерваторија „МАРГО“ на Крим, а потоа откритието беше потврдено од бројни опсерватории ширум светот. Иако тоа беше „исклучително блиска средба“ со друго вселенско тело, НАСА вчера веднаш процени дека нема опасност тоа да удри во Земјата.

Системот за проценка на опасности од удари на НАСА, наречен „Скаут“, ги анализираше сите достапни податоци за движењето на „2023 БУ“.

– „Скаут“ многу брзо ја отфрли можноста за судир. Сепак, се дозна дека астероидот ќе се приближи исклучително блиску до Земјата. Всушност, ова беше едно од најблиските забележани преминувања на вселенско тело близу Земјата, изјави инженерот Давиде Фарнокија, еден од одговорните за проектот „Скаут“.

Според проценките, дури и да дојдеше поблиску до планетава, поголемиот дел од астероидот ќе изгореше во атмосферата, а само помали парчиња ќе паднеа на Земјата како метеорити.

Near-Earth asteroid 2023 BU. We determine that 2023 BU was rotating in a period of approximately 77 seconds with an amplitude of 0.9 mag. #IAWN #QHY42Pro @QHYCCD @RoyalAstroSoc @exploreplanets @tonylivesey @BBCStargazing pic.twitter.com/xyZP2P3yxQ

— Northolt Branch Obs (@NBObservatories) January 27, 2023

Here's what today's Close Approach looks like:

In yellow, our numerous geostationary satellites
In red, the path of Asteroid 2023 BU
Earth in the middle, with LEO satellites also shown.

[Simulated with @OpenSpaceProj / Data from @NASAJPL Horizons]#asteroid #datavis pic.twitter.com/rhghtubH6K

— CCNY Planetarium (@CCNYPlanetarium) January 26, 2023