(ВИДЕО) Муцунски: Вардар и Комити добиваат нов спортски терен во Аеродром, поддршката за клубот продолжува и во иднина
Градоначалникот на Општина Аеродром на својот официјален фејсбук профил објави видео на кои е прикажано новото фудбалско игралиште кои го доби ФК Вардар во близина на СЦ „Јане Сандански“.
„Вардар е емоција, македонски спортски бренд со кој сите се гордееме, а ние со задоволство го поддржуваме.
Ветивме поддршка за ФК Вардар и тоа ветување го покажуваме на дело. Во непосредна близина на СЦ „Јане Сандански“, фудбалскиот клуб и навивачката група Комити добиваат ново фудбалско игралиште, каде направивме целосна реконструкција на соблекувалните, засадивме нова трева и поставивме нов систем за наводнување на тревата.
Поддршката за Комити и Вардар доаѓа на моја иницијатива и на иницијатива на претседателот на советот Дејан Митески и таа соработка ќе продолжи и понатаму, затоа што силен Вардар значи многу за македонскиот спорт и за младите фудбалски таленти кои ќе се градат и создаваат во иднина.“- стои во објавата на градоначалникот на Општина Аеродром, Тимчо Муцунски.
04.10.2023 - 11:33
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
