ВИДЕО: Ја ослободивме Старомајорска, велат Украинците
Украинскиот претседател Володимир Зеленски објави видео на Твитер на кое се гледаат украинските војници кои велат дека повторно го освоиле селото Старомајорске.
„35-та бригада и доброволниот баталјон „Ареи“ го ослободија селото Старомајорска. Слава на Украина! Слава на хероите!“, велат војниците на видеото.
Старомајорска се наоѓа во крајниот западен дел на Доњецката област, јужно од група мали населби кои Украина веќе ги зазеде од почетокот на нејзината контраофанзива на почетокот на јуни. Веста дека украинските сили го ослободиле селото доаѓа само еден ден откако портпаролот на украинските вооружени сили Андриј Ковалев изјави дека нивните сили зазеле позиција во близина на селото.
Ковалев претходно денеска изјави дека постигнале одреден успех кај Старомајорска на јужниот фронт, зајакнувајќи ги позициите што претходно ги заземале. Тој додаде дека се водат тешки борби, а руските сили трпат загуби и ги повлекуваат резервите. Видеото од Старомајорска, геолокацирано од CNN, покажува дека руските војници навистина ги напуштаат своите позиции и се повлекуваат.
Our South!
Our guys!
Glory to Ukraine!— Володимир Зеленський (@ZelenskyyUa) July 27, 2023
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
