Уште седум деца примени на ВМА во Белград поради труење со алкохол, вкупната бројка од синоќа е 33 деца

Група на деца кои синоќа во тешка алкохолизирана состојба биле примени на ВМА во Белград се затруле со алкохол во ноќен клуб, јавува „Н1“. Од клубот изјавиле дека немаат никаква врска со настанот и дека просторот го дале под закуп за приватна прослава.

Според написите, синоќа во ВМА се примени 12 деца до 15 години кои биле во тешка алкохолизирана состојба. Според лекарите, некои деца имале дури 2,8 промили алкохол во крвта.

Според неофицијални информации, децата се затруле со неквалитетен алкохол кој им бил послужен во клубот.

Од клубот соопштиле дека просторот бил изнајмен во средата навечер за приватна прослава и дека управата на клубот нема никаква врска со споменатите настани.

„Со ова го изразуваме нашето жалење и загриженост за несаканите настани“, соопштиле од клубот.

Вишото јавно обвинителство соопшти дека отворило предмет и нареди да се откријат одговорните, пренесуваат српските медиуми.

„Главниот јавен обвинител на ВЈТ во Белград, Ненад Стефановиќ, нареди да се идентификуваат одговорните и во соработка со полицијата да се утврдат околностите на овој случај, по што ќе биде донесена одлука за квалификација на кривичниот дел и гонење на сторителот“, се наведува во соопштението на ВЈТ.

Уште седум деца денеска завршиле на ВМА поради труење со алкохол, според „Блиц“.