Унгарија нема да ја укине забраната за увоз на жито од Украина

Унгарија ќе ја задржи на сила забраната за увоз на жито од Украина, и покрај притисокот од ЕУ, изјави унгарскиот министер за надворешни работи Петер Сијарто.

Тој пред унгарските новинари во Брисел изјави дека укинувањето на забраната ќе значи колапс на земјоделците во Унгарија.

„Што се однесува до забраната за увоз на земјоделски производи од Украина, ние ќе ја задржиме. ЕУ изврши огромен притисок да се укине, но тоа би довело до колапс на унгарските земјоделци и тоа не можеме да го дозволиме“, нагласи Сијарто.