Украина: Русите изгубија 600.000 војници од почетокот на војната

Украина соопшти дека Русија изгубила повеќе од 600.000 војници од почетокот на инвазијата во февруари 2022 година. Во најновиот извештај на Генералштабот на вооружените сили на Украина, објавен денеска, детално се наведени руските загуби досега.

Тие вклучуваат 604.140 луѓе, над 600 хеликоптери и авиони, повеќе од 16.000 оклопни возила и над 8.500 тенкови. Се вели дека руските сили само вчера претрпеле 1.130 жртви.

Овие бројки не се независно проверени, а во војните вообичаено е завојуваните страни да ги преувеличуваат проценките за загубите на својот противник и да кријат информации за сопствените загуби.