Три возила излетаа од патот: Повредени 8 лица

Осум лица се повредени, од кои три се со тешки повреди во три одделни сообраќајки во кои возило излеталот од пат во теко на вчерашниот ден.

Прво во 08.50 часот во СВР Скопје било пријавено дека на автопатот Гоце Делчев, кај клучка Миладиновци, патничко возило „мерцедес“ со беровски регистарски ознаки, управувано од Д.Ц.(61) од Берово, излетало од коловозот.

Во несреќата со тешки телесни повреди се здобил возачот, а со телесни повреди се здобиле сопатничките М.С.(24) и М.Д.(24), двете од Берово и М.Ш.(20) од Пехчево, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.

Околу 18.30 часот во СВР Штип било пријавено дека на регионалниот пат во правец кон с.Крупиште, штипско, патничко возило „рено“ со штипски регистарски ознаки, управувано од И.В.(18) од с. Стар Караорман, штипско, излетало надвор од коловозот.

Во несреќата со тешки телесни повреди се здобил сопатникот С.Д.(56) од Штип, а со телесни повреди се здобила И.В. констатирани во Клиничката болница Штип. Извршен бил увид од увидна екипа на СВР Штип.

Вечерта во 21.56 часот во СВР Битола било пријавено дека на патот Битола – Демир Хисар, во близина на с.Лисолај, патничко моторно возило „фолксваген голф” со битолски регистарски ознаки, управувано од А.Р.(29) од Битола, излетало од патот.

Во несреќата со тешки телесни повреди се здобил малолетен сопатник од Битола, додека сопатничката Џ.М.(23) од Кичево се здобила со телесни повреди, констатирани во Клиничка болница Битола. Увид на местото извршила увидна екипа на СВР Битола.