Тошковски: Целиот мој имот е пријавен и сите податоци се јавно достапни

Министерот за внатрешни работи Панче Тошковски реагираше на прес конференцијата на Богданка Kузеска од редовите на СДСМ. 

Во однос на обвинувањата изнесени од Богданка Кузеска од СДСМ, сакам јавно да ги демантирам и да ја информирам јавноста дека уште на 04.07.2024г. во законски утврдениот рок, до Државната комисија за спречување на корупцијата доставив изјава за имотна состојба. Сите податоци за мојот имот се јавно достапни на следниот линк: https://registar.dksk.mk/appointed-person/22221 , истакна Тошковски.

„Одговорно тврдам дека надвор од она што е наведено во изјавата за имотната состојба не поседувам ништо друго. Ги повикувам институциите детално да го проверат мојот имот, но и имотот на секој актуелен и поранешен функционер, особено на оние кои целиот свој живот се на товар на државниот буџет“, посочи Тошковски.

Тошковски упати порака до СДСМ да престане со лаги и манипулации.

„Транспарентноста и одговорноста се клучни за градење на доверба меѓу институциите и граѓаните. Време е вистината да излезе на виделина“, нагласи Тошковски.