Струмичани протестираа против рудникот Иловица

Неколку стотина граѓани ја блокираа крстосницата во центарот на Струмица искажувајќи револт против изградбата на рудникот Иловица.

 Со себе носеа транспаренти, свирчиња, а дел правеа бучава и со разни предмети што си ги земале од дома. Постојано извикаа „Стоп за рудници“.

Демонстрантите најавија радикализација доколку не се повлече концесијата, а компанијата ги обвини дека вршат притисок врз институциите.