Столтенберг го покани Зеленски на самитот на НАТО во јули во Литванија
Генералниот секретар на Алијансата, Јенс Столтенберг, денеска го покани украинскиот претседател Володимир Зеленски на самитот на НАТО во јули во Вилнус, Литванија, пренесе Бета.
По состанокот на министрите за надворешни работи на НАТО на кој присуствуваше и украинскиот министер за надворешни работи Дмитро Кулеба, генералниот секретар на Алијансата изјави дека „со нетрпение очекуваме да се сретнеме со г-дин Зеленски на нашиот самит во Вилнус во јули“.
На денешната средба во Брисел пред седиштето на НАТО свечено беше кренато и знамето на Финска, која денеска на годишнината од основањето на НАТО, 4 април 1949 година, стана 31. членка на Алијансата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
