Стефковски: Започна историски најголемата акција за асфалтирање на улици
Започна историски најголемата акција за асфалтирање на улици, пишува на социјалните мрежи градоначалникот на Гази Баба, Бобан Стефковски.
„Утрово направив увид на градежните работи за ревитализација на крак од улица Антон Попов во Ченто.
Тетка Јагода која утрово ја сретнав во Ченто ми кажа дека проект од страна на општината во нивното маало се реализира после 60 години.
Со денешниот почеток на градежните работи започнува историски најголемата акција за асфалтирање на локални улици во општина Гази Баба.
Во следниот период ќе се асфалтираат локални улици во Автокоманда, Раштак, Јурумлери, Стајковци, Ченто, Маџари, Хиподром, Хиподром 2 и други населени места.
Инвестициите во патната инфраструктура кои ги реализираме само во оваа година се повеќе од инвестициите реализирани во последните 6 години заедно“, стои во неговата објава.
„Нема повеќе заборавени населени места, улици и маала. Напредокот и развојот на Гази Баба е видлив и се случува во секое маало“, додава градоначалникот Стефовски.
20.07.2023 - 11:52
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
