Стефковски: Обновен споменикот на Горан Стојменовиќ и иконите на крстот во Инџиково
Градоначалникот на општина Гази Баба, Бобан Стефковски денес го посети местото каде што е поставен споменикот на херојот Горан Стојменовиќ и светиот крст во Инџиково.
Во објава на својата официјална страна на фејсбук, градоначалникот Стефковски информира дека денес се извршени активностите за обновување на споменикот на херојот Стојменовиќ и иконите на светиот крст во Инџиково кои беа оштетни од вандалски чин на Илинден.
Во својата објава Стефковски напиша:
Денес се реализираа активностите за чистење на споменикот на херојот Горан Стојменовиќ кој загина во борбите во Диво Насеље и иконите на светиот крст во Инџиково.
Како што напишав на Илинден, денот кога беше извршен срамниот и вандалски чин на уништување, денес споменикот и иконите се обновени.
Како народ и држава никогаш нема да го заборавиме делото на оние кои го загубиле животот за слободата на нашата Македонија. - напиша Стефковски.
09.08.2023 - 13:25
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
