Србија со смешен автогол до победа во Будимпешта

Србија со малку помош од ВАР стигна до 0:1 победа над Унгарија на „Ференц Пушкаш“ арената во Будимпешта во пријателски меч, додека Косово со 5:0 го декласираше четврт-финалистот на Африканскиот куп на нации, Буркина Фасо, а Ерменија со 1:0 ја совлада Црна Гора.

Клучниот момент во Будимпешта се случи во 35. минута, кога по една акција на гостите, Александар Митровиќ упати убав удар кој заврши во пречката, Жолт Наѓ несмасно си ја смести топката во сопствената мрежа.

ПРИЈАТЕЛСКИ МЕЧЕВИ

Ерменија – Црна Гора 1:0

Косово – Буркина Фасо 5:0

Унгарија – Србија 0:1