Советот на ЕУ му го продолжи мандатот на Лајчак
Советот на Европската унија му го продолжи мандатот на специјалниот претставник на ЕУ за дијалог меѓу Србија и Косово, Мирослав Лајчак, до јануари следната година.
Како што јави радио Слободна Европа, одлуката била донесена на состанокот на амбасадорите на земјите-членки на ЕУ одржан на 4 јули.
Продолжувањето на мандатот на Лајчак доаѓа на барање на високиот претставник на ЕУ за надворешна политика и безбедност, Жозеп Борел.
За наследникот на Лајчак ќе одлучува наследникот на Борел, а за таа функција е предложена естонската премиерка Каја Калас.
За да се потврди нејзината позиција, потребна е согласност од Европскиот парламент, кој гласа за структурата на новата Европска комисија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
