Си Џинпинг: Секој кој мисли дека ќе правиме отстапки за Тајван си пука во нога
Кинескиот претседател, Си Џинпинг, во разговор со претседателката на Европската комисија, Урсула фон дер Лајен, ги отфрли како „нереални соништа“ сите очекувања дека неговата земја ќе се согласи на компромиси и отстапки во однос на Тајван, објави главната кинеска телевизија.
„Секој што размислува така си пука во нога“, рече тој.
Си потврди дека тајванското прашање е во центарот на клучните интереси на Кина.
Потсети дека тензиите, кога станува збор за Тајван, во односите меѓу Вашингтон и Пекинг станале поизразени по посетата на претседателката на Претставничкиот дом на американскиот Конгрес, Ненси Пелоси, на почетокот на август 2022 година.
Набргу потоа, кинеската војска почна воздушни и поморски воени вежби во близина на Тајван и пробно лансирање на конвенционални ракети во морето источно од тој остров.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
