Руски беспилотни летала повторно го нападнаа родниот град на Зеленски, уништени се голем број згради, има повредени

56-годишен маж е повреден во напад со руско беспилотно летало врз родниот град на украинскиот претседател Володимир Зеленски, Криви Рог, изјави регионалниот гувернер Серхи Лисак.

Нападот оштети голем број згради, но украинските воздухопловни сили соопштија дека 16 од 17-те ирански дронови „Шахед“, лансирани од Русија во текот на ноќта, биле соборени во јужните и источните региони на земјата, објави Ројтерс.

Како што изјави гувернерот, оштетени се едно општинско претпријатие, две станбени згради и транспортна компанија во Криви Рог.