Путин денеска ќе донесе важни одлуки за следната година

Владимир Путин денеска треба да ги постави своите воени цели за 2023 година, пренесува АФП, повикувајќи се на Кремљ. Рускиот претседател треба да се сретне со претставници на одбраната, а ќе вклучи и воведна порака од министерот за одбрана Сергеј Шојгу.

Минатата недела, Шојгу ја посети руската армија, откако Министерството за одбрана објави формирање на „креативна бригада на првата линија“, вклучувајќи пејачи и музичари, за да го зајакне моралот.

Министерството соопшти дека Шојгу „летал околу областите за распоредување војници и ги проверил напредните позиции на руските единици во зоната за специјални воени операции“, додавајќи дека разговарал со војниците на линијата на фронтот.