Пукање пред црква во Лондон, повредени две девојчиња и четири жени
Две девојчиња на возраст од седум и 12 години и четири жени се повредени синоќа при пукање пред црквата во која се одржувала погребна служба, недалеку од лондонската железничка станица Еустон, соопшти британската полиција. Седумгодишно девојче е тешко повредено и е пренесено во болница во критична состојба, а хоспитализирани се и жените, јавија светските агенции.
Во тек е итна истрага и се уште се собираат детали за овој инцидент. Засега нема уапсени, соопшти лондонската полиција.
Според првите наоди од истрагата добиени врз основа на снимките од надзорните камери, истрелите биле испукани од возило во движење кое потоа го напуштило местото на инцидентот. „Дејли мејл” објави дека жртвите биле меѓу луѓето кои присуствувале на погребот во црквата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
