Пронајден експлозив во икони во Русија
Официјални лица на Федералната служба за безбедност на Русија (ФСБ) заедно со цариниците спречија шверц на 27 импровизирани експлозивни направи скриени во православните икони од Украина во Русија, соопшти ФСБ.
Товарот се движел на релација Украина – Романија – Унгарија – Словачка – Полска – Литванија – Латвија – Русија, а во него имало 27 импровизирани експлозивни направи скриени во икони и подготвени за употреба, 70 килограми индустриски произведен пластичен експлозив со голема моќност и 91 електричен детонатори, се наведува во соопштението, пренесува РИА Новости.
Осомничениот е приведен и одредена му е мерка притвор. ФСБ за регионот Псков го истражува случајот со нелегално пренесување експлозиви и експлозивни направи преку граница од страна на група лица.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
