Планинарска опрема се презентира во Кавадарци
Планинарска опрема се презентира вечерва на градскиот плоштад во Кавадарци, од страна на планинарското друштво „Орле“ што постои 63 години. Настанот е во рамките на Кавадаречко културно лето. Посетителите можат да ја погледнат опремата од многубројните планинарски акции и доживувања во земјава и странство.
-Настанот привлече големо внимание кај присутните од сите возрасти. На ваков начин го промовираме планинарството како здрав начин на живот и ја зголемуваме свеста за значењето на планинарењето, рече за МИА, претседателот на друштвото, Никола Минчоров.
Тој информираше дека во „Орле“ во моментов членуваат возрасни и млади планинари од двата пола.
Минчоров се осврна и на планинарските домови со кои располагаат како и на стазите кои им се маркирани, за полесна ориентација на љубителите на природата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
