Песков: Путин сè уште не одлучил дали ќе се кандидира на следните избори
Владимир Путин сè уште не одлучил дали ќе се кандидира на претседателските избори во март 2024 година, изјави денеска портпаролот на Кремљ, Дмитриј Песков.
„Путин сè уште нема дадено никакви изјави за ова прашање. Изборната кампања сè уште не е објавена“, рече Песков, а пренесува ТАСС.
Претседателските избори во Русија се очекува да се одржат на 17 март 2024 година, а одлуката ќе ја донесе следниот месец Советот на Федерацијата, горниот дом на парламентот.
Според руските закони, Путин има право да се кандидира за уште еден мандат.
Претходно денеска, „Ројтерс“ објави дека Путин одлучил да се кандидира на изборите во март, кои потенцијално би му овозможиле да остане на власт најмалку до 2030 година.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
