Османи очекува дека уставните измени ќе завршат успешно: Моја задача е да сум оптимист и да работам тоа да се случи

Министерот за надворшени работи Бујар Османи во врска уставните измени истакна дека дека очекува процесот да заврши успешно и навремено.

„Моја задача е да сум оптимист и да работам тоа да се случи. Според моите сознанија, процесот ќе заврши успешно и се надевам навремено“, рече тој.

Според него, не станува збор за промена или измена на Уставот на Македонија.

„Тоа е уставна реформа бидејќи не менуваме ништо во Уставот. Ние додаваме уште неколку заедници, бидејќи перцепцијата е дека нешто ќе смениме. Од листата на шест заедници, додаваме уште четири. Работиме на тоа и оптимисти сме дека ќе се заврши во наредниот период“, кажа министерот.

Во однос на Акцискиот план во контекст на преговарачкиот процес со ЕУ, Османи рече дека е во подготовка и него работат домашни и надворешни експерти, а веќе има и втор драфт.

Неговата подготовка е поврзана и со процесот на уставните измени и штом ќе биде подготвен, како што рече, ќе биде испратен на усвојување во ЕК.