Одрони на патот и кај селата Истибања и Калиманци

На регионалниот пат А3, на делницата помеѓу селото Истибања и браната Калиманци, вечерва се регистрирани одрони кои делумно го попречуваат сообраќајот.

Според пријавите од терен, на патот има поголеми камења и земја кои паѓаат од околните падини, што претставува сериозна опасност за возачите.

Дополнително, на одредени делници низ територијата на Македонска Каменица се регистрирани и помали одрони.

Од надлежните служби апелираат возачите да се движат со зголемено внимание, да ја прилагодат брзината на движење и да внимаваат на предупредувачките знаци.

Екипи на ЈП Македонија пат се упатени на терен за расчистување и обезбедување на сообраќајницата.