Објавени платите на црногорските функционери
Највисока плата во црногорската влада има Срѓан Павиќевиќ, вицепремиер за труд, образование, здравство и социјала, чија јануарска плата изнесувала 2.071 евра.
Тоа е два и пол пати повеќе од просечната плата во земјата која во декември изнесувала 814 евра, односно повеќе од четири и пол пати повеќе од минималната плата од 450 евра.
Премиерот на Црна Гора Милојко Спајиќ заработил 1.813 евра во јануари, покажуваат податоците за платите во Генералниот секретаријат на Кабинетот на премиерот.
Потпретседателот за безбедност, внатрешна политика, европски и надворешни работи Алекса Бечиќ има приход од 1.721 евро, а толку му била јануарската плата и на Момо Корпивица, потпретседателот за политички систем, правда и антикорупција. Потпретседателот за економска политика Ник Ѓељошај во јануари заработил 1.823 евра, а потпретседателот за демографија и млади Драгослав Шќекиќ 1.776 евра.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
