Градинката „Корчагин“ повторно отворена за децата
Стотина деца од денеска повторно се згрижени во градинката „Раде Јовчевски – Корчагин“.
- Сите родители се известени дека се создадени услови за сместување на децата. Општина Центар ги санираше штетите од поплавата, ги обнови плочките и создаде услови децата повторно да се вратат, како што беше договрено на средбата на родителите, персоналот и градоначалникот Андреј Жерновски, информира општина Центар.
Кујната ќе се реновира комплетно за околу една недела. В четврток, Советот на општина Центар треба да донесе одлука за пренамена на средства од Буџетот за набавка на опрема за кујната во висина од 1.500.000 денари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
