Граѓаните на Косовска Митровица по четврти пат гласаат за градоначалник
Граѓаните во северниот дел на Косовска Митровица утринава по четврти пат за речиси четири месеци ќе гласаат за градоначалник.
Изборите се организирани под силни безбедносни мерки, а на улиците и на избирачките места засилено е присуството на косовската и на ЕУЛЕКС полицијата, како и на војници на КФОР.
Граѓаните можат да се одлучат за еден четирите кандидати - Горан Ракиќ од ГИ „Српска“, Оливер Ивановиќ кандидат на Граѓанската иницијатива СДП, Муса Мифтари од Демократскиот сојуз на Косово и Фљорент Аземи од Демократската партија на Косово.
Оливер Ивановиќ е во притвор. Тој е осомничен за учество во воени злосторства во периодот 1999-2000 година.
Изборите за градоначалник, на Северна Митровица се повторуваат бидејќи градоначалникот Крстимир Пантиќ одби да ја потпише свечана изјава на документот на кој има симболи на косовската државност.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
