Четворица кривопаланчани кршеле носеви на новогодишната ноќ

24 годишниот кривопаланчанец О.П., 18 годишните Т.М. и М.М. и 17 годишниот Б.Ј. на новогодишната ноќ беснееле низ кривопаланечко Ранковце.

Непосредно пред дочекот на Новата година, четворицата насилници се скарале со поголема група деца и безмилосно претепале еден малолетник. Откако ја предизвикале оваа тепачка, насилниците избегале во барака и таму се затвориле. По кратко време повторно излегле и си нашле следна жртва - 15 годишниот А.М. Без никаква причина, насилниците го нападнале малолетникот со дрвен предмет и боксирач и му го искршиле носот. 

Полицијата поднела соодветни пријави против четворицата насилници и против еден од сведоците на крвавите тепачки, кој одбивал да ја каже вистината.