Пратениците и денеска за новиот состав на Лустрациска
Македонското Собрание денеска ќе ја одржи 80. седница, а по нејзиното завршување ќе продолжи со работа по 82. седница.
На дневен ред на 80. седница ќе расправаат по Предлог-законот за ратификација на Спогодбата меѓу Владата на Република Македонија и Владата на Република Романија за соработка во областа на образование, наука, култура, мас-медиуми, млади и спорт, како и по Годишна програма за работа на Агенцијата за електронски комуникации за 2014 година.
Во рамки на 82.седница, пратениците ќе расправаат за Предлог- одлуката за избор на претседател, заменик-претседател и членови на Комисијата за верификација на фактите и Информација за висината, структурата, транспарентноста и намената на јавниот долг на Република Македонија, поднесена од пратениците на опозициските партии во Собранието на РМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
