Албанците се откажуваат од своето за да добијат европско државјанство

Се поголем број албански државјани се откажуваат од албанското државјанство, со цел да добијат државјанство главно на некоја од земјите членки на ЕУ.

Во просек годишно 760 лица се откажуваат од албанско државјанство, а во последните пет се откажале четири илјади лица, а интересот продолжува со зголемен интензитет.

Според албанската законска регулатива, апликацијата за откажување или добивање албанско државјанство се доставува до Министертвото за внатрешни работи, кое по спроведувањето на потребната постапка, решението за тоа го доставува до шефот на државата за потпис.