Одземен пасошот на претседателката на Антикорупциска

Во врска со акцијата „Адитив“, Основниот кривичен суд Скопје донесе решение за осомничената Т.Д. Откако беше изведена пред судија на претходна постапка и се произнесе по предлогот на Јавното обвинителство за гонење на организиран криминал и корупција (ОЈО ГОКК) за определување мерки за претпазливост, судот го прифати предлогот на обвинителството.

Согласно донесеното решение, на осомничената Т.Д. ѝ се определуваат следните мерки за претпазливост: привремено одземање на патната исправа и забрана за издавање нова, како и забрана за преземање на одредени работни активности кои се поврзани со кривичното дело за кое се сомничи.