Вучиќ за платите на наставниците: Во февруари ќе добијат онолку колку што работеле

Српскиот претседател Александар Вучиќ вечерва на Пинк изјави дека сите наставници во јануари земале целосни плати, а во февруари ќе земаат онолку колку што работеле.

„Ова е ужасна ситуација бидејќи нашите студенти мора да продолжат да учат. Во јануари сите ги добивте целосните плати, а за февруари ќе биде за што сте работеле. И како децата ќе продолжат на училиште, дали сакате да работите со нив во јуни, јули, август? Нивната работа е да ги учат децата, а што ќе знаат тие деца? Поентата не е да им се даде петка“, рече Вучиќ на Пинк.