Голем пожар во хотел во Охрид - се евакуираат гостите

Голем пожар ноќеска околу 2 часот избил воохридскиот хотел Бренд, јавува Охриднет. Според порталот, огнената стихија ја зафатила кујната на хотелот и рецепцијата. 

Поради густиот дим и огнените јазици, неколкуте гости кои престојувале во хотелот веднаш биле евакуирани. На лице место веднаш пристигнала екипа на охридската противпожарна служба. На двете противпожарни возила кои учествувале во гасненњето на пожарот им требало повеќе од 2 ипол часа за да го исконтролираат огнот. 

Се уште нема информации за висината на материјалната штета. Според првичните сознанија, повредени нема.