Официјално: Трамп е избран за 47-ми претседател на САД

Доналд Трамп и официјално еизбран за 47-ми претседател на Соединетите Американски Држави, што претставува извонредно враќање на поранешниот претседател кој одби да го прифати поразот пред четири години, предизвика насилен бунт во американскиот Капитол, беше осуден за кривични дела и преживеа два обиди за атентат.

Со победата во Висконсин, Трамп ги „исчисти“ 270 електорски гласови потребни за освојување на претседателската функција.

Тој ја нападна својата демократска ривалка, Камала Харис, со длабоко лични, честопати расистички термини додека ја туркаше апокалиптичната слика на земјата преплавена од насилни мигранти.

Грубата реторика, поврзана со слика на хипермашкост, одекна кај гневните гласачи, особено мажите во длабоко поларизирана нација. Како претседател, тој вети дека ќе продолжи со агендата фокусирана на драматично преобликување на федералната влада и одмазда против неговите перцепирани непријатели.