Мицкоски најави нова обиколница за Штип: Инвестиција од скоро 2 милиони евра

Премиерот Христијан Мицкоски најави нова обиколница во Штип следната година.

„Обиколницата е проект којшто во оваа фаза ќе биде со вредност нешто помала од 2 милиони евра, но затоа на почетокот од следната година повторно планираме сериозни инвестиции во општините и повторно ќе има јавен повик преку Министерството за локална самоуправа и тука очекувам дополнителни проекти за штипјани, коишто ќе произлезат од страна на Општината, а знам дека и градоначалникот и советниците и администрацијата и пратениците од овде од Штип работат многу, работат заеднички и знам дека такви проекти веќе се подготвени и чекаат практично на реализација“, рече Мицкоски.

Премиерот денеска присуствуваше на Пастрмајлијадата во Штип. Истакна дека се очекува голема потрошувачка на штипскиот специјалитет, а граѓаните да си поминат убаво. Сите оние коишто овој викенд имаат дилема како да го поминат, Мицкоски ги покани во Штип на уживање во штипскиот специјалитет и убава музика.