Во Јапонија е издадено итно предупредување поради пристигнувањето на моќниот тајфун Шаншан

Надлежните служби во Јапонија денеска издадоа итно предупредување за пристигнувањето на моќниот тајфун Шаншан, кој се приближува до југозападните делови на земјата, придружен со обилни дождови и силен ветер, јавија локалните медиуми.

Предупредувањето за пристигнувањето на тајфунот Шаншан ја принуди компанијата Тојота да ја прекине работата во сите домашни производствени капацитети, пренесува Ројтерс.

Авиокомпаниите и железничките оператори, исто така, откажаа некои услуги во наредните денови поради овој тајфун, кој е категоризиран како „многу силен“ со можни налети на ветер од 50 до 70 метри во секунда (околу 252 километри на час).