ДУИ: Владата без предупредување ја поскапи струјата за над 65.000 фирми за над 50 отсто
Имајќи ги предвид поплаките на микро, малите и средните претпријатија, ДУИ ги пренесува нивните поплаки дека Влада со моноетнички легитимитет, на нетранспарентен начин ја зголемила цената на струјата за над 65.000 микро, мали и средни претпријатија за повеќе од 50%., истакнуваат од ДУИ.
„Дури и тоа од 8,78 ден/kWh до 13,37 ден/kWh или за повеќе од 50%. Сакаме да ја информираме јавноста дека оваа акција директно влијае на буџетот на граѓаните со зголемување на цената на производите и услугите како и оштетување на ликвидноста на компаниите.
Со незголемувањето на минималната плата, платите во јавниот сектор, ваквата акција ќе влијае на влошување на животниот стандард на нашите граѓани“, известуваат од оваа партија.
Апелираат што поскоро да се преземат мерки за намалување на цената на струјата како и на цените на прехранбените производи во интерес на граѓаните и микро, малите и средните компании кои сочинуваат 98% од активните компании во државата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
