Веќе е официјализирано: ЕУ ги отвори пристапните преговори со Украина
Денеска во Луксембург Европската унија (ЕУ) официјално ги започна пристапните преговори со Украина, чекор кој беше опишан како „историски“ и во Брисел и во Киев.
„Силна Украина не е можна без ЕУ, а силна ЕУ не е можна ниту без Украина“, изјави украинскиот премиер Денис Чмигал на отворањето на преговорите.
Украинскиот претседател Володимир Зеленски претходно денеска изрази задоволство од официјалното отворање на преговорите за пристапување на Украина во ЕУ, велејќи дека тоа е „историски ден“ за земјата која повеќе од две години се бори против руската инвазија.
Членките на ЕУ го одобрија почетокот на пристапните преговори со Украина и Молдавија на 25 јуни и ја усвоија рамката за преговори.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
