Папата ги повика земјите во светот подобро да се однесуваат кон бегалците

Папата Франциско денеска ги повика земјите во светот подобро да се однесуваат кон бегалците и да им овозможат хумани услови за живот пред Светскиот ден на бегалците, кој се одбележува утре.

За време на неговата неделна општа аудиенција, Папата истакна дека сите луѓе треба да им помогнат на бегалците да се интегрираат во новите општества, пренесе АНСА.

Папата посочи дека Светскиот ден на бегалците треба да биде можност да се фокусира вниманието на оние „кои се принудени да ги напуштат своите домови во потрага по мир и безбедност“.