Најмалку 55 убиени и 155 ранети во конфликт меѓу два клана во Сомалија

Најмалку 55 лица загинаа, а 155 се ранети во конфликт меѓу два сомалиски клана во градовите Абудвак и Херале во регионот Галмудуг, соопштија денеска здравствените власти.

Конфликтот меѓу клановите Дир и Марихан, кои претходно заедно се бореа против групата Ал Шабаб поврзана со терористичката група Ал каеда, избувна во саботата поради спор за пасиштата и местата за наводнување, изјави жител на Херала, пренесе „Ројтерс“.

Тој рече дека државните сили пристигнале доцна и дека ситуацијата излегла од контрола.