ВИДЕО: Дел од остров во Тајван се сруши во море по разорниот земјотрес
Клисура на истокот на островот Куешан, популарна туристичка дестинација во Тајван, се откина и се лизна во морето по разорниот земјотрес со јачина од 7,2 степени според Рихтеровата скала што ја погоди земјата вчера.
Тајванската телевизиска станица „ТВБС“ прва ја објави веста за штетите на островот Куеишан, кој поради својата форма го нарекуваат и „островот на желките“.
Тајванскиот медиумски портал „Кридерс“ напиша дека големи камења паднале во морето, но дека никој не е повреден бидејќи во тоа време во близина немало туристи или чамци.
Земјотресот го погоди Тајван во средата наутро во најфреквентно време, а беше почувствуван и на целиот остров, кој има повеќе од 23 милиони жители.
Тајванската централна метеоролошка управа (CWA) соопшти дека земјотресот со јачина од 7,2 степени според Рихтеровата скала се случил во 7:58 часот во средата (вторник 23:58 часот по средноевропско време) на длабочина од 15,5 километри.
5.0 earthquake on Taiwan’s east coast this morning. Part of Turtle Island collapsed ~ a cliff near the current undersea hot spot. pic.twitter.com/zbGwOfs8TR
— David Frazier (@DaveOhYeah) April 3, 2024
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
