(ФОТО) Инспекциските служби утрово срушија деловен објект кај Инџиково
Денес 07.09.2023 година, инспекциските служби на општина Гази Баба со асистенција на Министерството за Внатрешни работи извршија рушење на безправно изграден деловен објект во населеното место Инџиково.
На рушењето покрај инспекциските служби присуствуваше и лично градоначалникот на општина Гази Баба Бобан Стефковски кој изјави:
„Никој не е над Законот. Нема да дозволам урбаната мафија да дивее низ општина Гази Баба. Компромис со спроведување на Законот, ниту сум правел, ниту ќе правам. Апелирам до граѓаните да се почитуваат Законите за да немаме вакви непријатни ситуации. Тука нема да застанеме“; порача Стефковски.
Градбата на овој деловен објект инспекциските служби на општина Гази Баба ја утврдија почетокот на месец август при што беше изречена мерка за затворање на градилиштето која лицето не ја почитуваше и продолжи со градба. Согласно Законските одредби, службите донесоа решение за отстранување на објектот кое денес беше извршено.
07.09.2023 - 09:52
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
