Илјадници лекари специјалисти во Велика Британија почнаа дводневен штрајк

Илјадници лекари специјалисти во Велика Британија денеска стапија во дводневен штрајк, кој ќе трае до сабота до седум часот наутро.

Десетици илјади термини и процедури се откажани поради овој протест, а штрајкот ќе ја чини британската Национална здравствена служба (NHS) милиони евра.

„Ќе направиме сè што можеме за да ги сведеме проблемите на минимум, но сепак треба да се очекуваат откажувања на термините и подолги чекања, бидејќи итната помош мора да биде приоритет“, рече извршниот директор на британската Национална здравствена служба, Метју Тејлор.