Тајпеј до Пекинг: Осум кинески бродови останаа во водите околу Тајван, неодговорно за една голема земја

Осум бродови на кинеската морнарица останаа во водите околу Тајван и по завршувањето на тридневните воени вежби, соопшти денеска Министерството за одбрана во Тајпеј, а тајванската претседателка Цаи Инг-вен го критикуваше Пекинг за, како што рече, „неодговорното“ однесување.

Кина ги започна вежбите во саботата, откако Цаи се врати во Тајпеј по средбата во Лос Анџелес со претседателот на Претставничкиот дом на САД, Кевин Мекарти.

Иако Пекинг во понеделникот вечерта соопшти дека вежбите завршиле, тајванското Министерство за одбрана соопшти дека осум кинески бродови останале во водите околу островот.

„Кинеските воени вежби предизвикаа нестабилност во Тајван и во целиот регион, а тоа се неодговорни акции на голема земја во регионот“, напиша тајванскиот претседател Цаи Инг-вен на Фејсбук откако Пекинг ги заврши тридневните вежби околу островот.

Кина, која ги предупреди САД да не дозволат Цаи да го посети или да се сретне со Мекарти, никогаш не се откажа од употребата на сила за да го стави под контрола островот што го смета за своја територија.