Бебе поминало 128 часа под урнатините во Турција, се верувало дека мајката починала – по 54 дена, повторно се заедно

Бебето што беше спасено по 128 часа под урнатините по силниот земјотрес во Турција на почетокот на февруари повторно си ја најде својата мајка по 54 дена.

Имено, три и полмесечно девојче, кое здравствените власти го нарекоа мистерија, на 11 февруари беше спасено од урнатините на уништената зграда во Хатај и веднаш хоспитализирано.

Во саботата, 54 дена подоцна, министерот за семејство и социјала, Дерја Јаник, објави фотографии од емотивната средба на мајката и ќерката.

Се утврдило дека жената, која претходно била прогласена за мртва, била хоспитализирана во друга болница, но ДНК-тестот потврдил дека е во роднинска врска со бебето.

„По земјотресот, со своето семејство најдовме уште едно дете, кое беше под институционална заштита во Анкара. Ветин Бегдаш, на која акушерките ѝ го дадоа името Гизем, по 54 дена, се враќа со мајка си во Адана“, напиша Јаник.

Видеото од средбата меѓу мајката и ќерката стана вирално, а илјадници корисници на социјалните мрежи ја поздравија оваа одлична вест.